Almenn umhirða

Feldgerðin á þýskum fjárhundi samanstendur af þykkum, þéttum, ullarkenndum undirfeld og meðal-grófum yfirhárum.

Við hárlos, sem gerist um það bil 2 sinnum á ári, losnar undirfeldurinn og kemur nýr og fallegur undirfeldur í staðinn. Góð leið til að flýta fyrir hárlosi er dagleg burstun yfir feld hundsins. Ekki er sama hvernig bursta er notað og er góð regla að forðast alla bursta sem brjóta hárin eða rífa feld hundsins

Bursti sem mælt er með er pinna bursti með sterkum meðal-hörðum hárum og litlum kúlum á endunum. Einnig er gott að eiga við höndina stálgreiðu með þéttu bili milli pinnana og greiða yfir hundinn þegar búið er að bursta hann með pinna burstanum.

Mikilvægt er að greiða alveg frá húð hundsins og í gegnum hárin.
Bæði pinna burstinn og stálgreiðan er hægt að nálgast í nánast hvaða dýravöruverslun.

Undirbúningur felds fyrir sýningu

Allir hundar sem eru að fara á sýningu eiga að vera hreinir og þar af leiðandi þarf að baða þá fyrir sýningar.

Svona mælum við með að farið sé að:

Feldurinn er bleyttur vel upp og síðan sett sjampó í feldinn. Við mælum með Plush Puppy All Purpose Shampoo with Henna. Sjampóið er síðan skolað úr og sett í aftur.

Athugið að það freyðir vel í feldi hundsins þegar seinni umferð sjampós er sett í. Það gefur til kynna að feldur hundsins sé orðinn hreinn.

Óþarfi er að sjampóið liggi í heldur skiptir meira máli að nudda vel yfir allan búk hundsins. Seinni umferð sjampósins er síðan skoluð vel og vandlega úr.

Aldrei skal nota hárnæringu í feldinn því hún hefur mýkjandi áhrif á feldgerð hundsins sem er ekki æskileg.

Við þvott feldsins lyftist hann upp og loft kemst á milli háranna. Þess vegna er mikilvægt að feldurinn fái 2-7 daga til þess að leggjast niður fyrir sýningardag.

Þegar feldurinn er orðinn þurr, hvort sem hann er látinn þorna sjálfur eða þurrkaður með blásara, þarf að greiða vel og vandlega yfir feldinn. Ef feldurinn er blásinn með kröftugum hundablásara fæst töluvert betri útkoma og feldurinn virðist meiri en hann er.

Eftir þvott og fram að sýningu þarf að passa að hundurinn skítni ekki út.
 

Einnig er hægt að panta tíma í bað, blástur og snyrtingu hjá Önnu Francescu Rósudóttur hundasnyrti sem hefur mikla reynslu af snyrtingu og feldhirðu á Þýskum Fjárhundi.

Tímapantanir í síma 616-1188 eða á tölvupóstfanginu anna@vinnuhundar.com

Plush Puppy vörurnar fást hjá Hvuttakoti ehf – www.halsakot.is

Gunnarsholt´s Schafer ræktun © Allur réttur áskilinn.