Ýmislegt á döfunniog tilkynningar frá Hrfí

11.01.2009
Alþjóðleg hundasýning Hundaræktarfélags Íslands

Alþjóðleg hundasýning Hundaræktarfélags Íslands fer fram helgina 28. febrúar-1. mars 2009 í Reiðhöll Fáks í Víðidal í Reykjavík. Skráningafresti lýkur föstudaginn 30. janúar 2009.

07.01.2009
Sýningaþjálfun Unglingadeildarinnar fyrir næstu sýningu

Sýningaþjálfun
Sýningaþjálfun á vegum Unglingadeildar HRFÍ fyrir vorsýningu félagsins hefst sunnudaginn 11. Janúar. Sýningaþjálfunin fer fram í Gusti sunnudagana 11. 18. 25 og 1. Febrúar. En staðsetning seinni þrjá sunnudagana verður auglýst síðar.
Hinsvegar vegna aukins fjölda á sýningaþjálfunum Unglingadeildarinnar, verða síðustu þrír sunnudagarnir bundnir skráningu.Þannig mun unglingadeildin geta raðað niður hundum þannig að hæfilegur fjöldi sé í hverjum tíma og með því minnkað bið og aukið gæði þjálfunarinnar. Sama verð verður á þessum sýningaþjálfunum og hefur verið, hins vegar þarf að greiða fyrir alla þrjá tímana í fyrsta tímanum. Skráningingu lýkur Sunnudaginn 25 janúar en tekið er við skráningu áudhrfi@gmail.com Það sem þarf að koma fram í skráningu er Nafn og símanúmer eiganda sem og nafn og tegund hunds.

Það er von stjórnar unglingadeildarinnar að þetta mælist vel fyrir,en með þessu móti erum við að reyna að koma á móts við hinn almenna sýnanda.

Til að gera langt mál stutt:

Sunnudaginn 11. Janúar í Gusti: Ungirsýnendur kl. 17-18, hinn almenni sýnandi kl. 18-19

Sunnudaginn 18. Janúar í Gusti: Ungirsýnendur kl. 17-18, hinn almenni sýnandi kl. 18-19

Sunnudaginn 25. Janúar í Gusti: Ungirsýnendur kl. 17-18, hinn almenni sýnandi kl. 18-19

Sunnudaginn 1. Febrúar í Gusti: Ungirsýnendur kl. 17-18, hinn almenni sýnandi kl. 18-19

Sunnudaginn 8. Febrúar: Auglýst síðar.

Sunnudaginn 15. Febrúar: Auglýst síðar.

Sunnudaginn 22. Febrúar: Auglýst síðar.

Að venju kostar hvert skipti 500kr og rennur sá peningur óskiptur til þess að styrkja keppendur Unglingadeildarinnar erlendis. En Unglingadeildin með dyggri aðstoð HRFÍ senda fulltrúa á helstu sýningar erlendis. Sá ungi sýnandi sem er stigahæstur eftir árið í eldri flokk keppir á Crufts. Annar stigahæsti ungi sýnandinn í eldri flokk keppir á Heimssýningunni og þriðji stigahæsti ungisýnandinn keppir á Evrópu sýningunni. Síðan fer fjögurramanna lið skipað fjórum stigahæstu ungu sýnendunum úr eldri flokk á Norðurlandakeppni ungra sýnenda.

Athugið að mikilvægt er að mætt sé á réttum tíma á æfingarnar svo þær geti byrjað á tilsettum tíma. Einnig er mikilvægt að fólki taki með sér kúkapoka, sýningartaum og nammi eða dót fyrir hundinn.

Kær kveðja,

Jónína Sif, formaður Unglingadeildar.
- 06.01.2009
Tilkynning frá sýningastjórn HRFÍ

Tvær breytingar á sýningareglum taka gildi 1. janúar 2009. Þær eru eftirfarandi:

II. kafli, Sýningaskilmálar, 2. gr, fyrri mgr, breytist þannig, að í stað þess að kveða á um að sýnandi hunds verði að vera fullra 13 ára, skal hann að lágmarki verða 13. ára á árinu. Fer þá saman aldurslágmark sýnenda og eldri hóps ungra sýnenda, sbr. ákvæði XII kafla um unga sýnendur: "Aldurslágmark sýnanda hunds skal vera 13. ára (ártal gildir). Í dómi skal sýninganúmer hunds vera skýrt á hægri hlið sýnanda."

XIV. kafli, Einkunna- og verðlaunaborðar, borðar fyrir einkunnir Excellent, Very Good, Good og Sufficient, breytast þannig að einn litur verður fyrir hverja einkunn:

Excellent / 1. sæti: rauður borði
Very Good / 2. sæti: blár borði
Good / 3. sæti: gulur borði
Sufficient / 4. sæti: grænn borði.

Samræming á sýningareglum hundaræktarfélaga Norðurlandanna er nú í fullum gangi og gera má ráð fyrir frekari breytingum á reglum okkar þegar henni lýkur. Ekki er þó gert ráð fyrir neinum grundvallarbreytingum á núverandi sýningakerfi. Þess má geta, að aðrar Norðurlandaþjóðir hyggjast taka upp FCI-einkunnir (Excellent, Very Good osfmv.) og haga borðalitum þannig að einn litur sé fyrir hverja einkunn.

Þá hefur sýninganefnd, í samstarfi við stjórn HRFÍ, ákveðið að draga saman seglin í kostnaði við sýningar og hætta að veita hvítar og bláar rósettur fyrir alþjóðlegt meistarastig annars vegar og BHT II sæti hins vegar. Þess í stað verður hægt að kaupa rósetturnar á kostnaðarverði á bás HRFÍ á sýningum eða á skrifstofu félagsins, eftir sýningar, gegn framvísun umsagnarblaðs. Eftir sem áður verða veittar rósettur fyrir besta hund tegundar og í úrslitum sýningar.

Í öðrum fréttum má nefna, að þann 1. janúar 2009 taka í gildi nýjar reglur hjá aþjóðasamtökum hundaræktarfélaga, FCI, um aþjóðlegan sýningameistaratitil (C.I.E) fyrir þau hundakyn sem sett eru undir vinnupróf í FCI Breeds Nomenclature. Til að eiga kost á þessum nýja titli, þurfa hundar af viðkomandi kynjum að hafa hlotið fjögur aþjóðleg meistarastig (CACIB) í a.m.k. þremur löndum og undir þremur dómurum. Eitt ár og einn dagur þarf að lágmarki að líða á milli fyrsta og síðasta stigs. Stjórn HRFÍ hefur sótt um að fá sömu undanþágu vegna þessa titils og það hefur vegna IntCh titils; þ.e. að íslenskir hundar geti safnað stigunum hér á Íslandi, en frá þremur dómurum sem koma frá amk. þremur mismunandi löndum. FCI hefur einnig óskað eftir því að skammstafanir fyrir titla verði samræmdar á eftirfarandi hátt: C.I.B. (Alþjóðlegur fegurðarmeistari) - samsvarar núverandi INTCH / INTUCH skammstöfun C.I.T. (Alþjóðlegur vinnumeistari) C.I.E. (Alþjóðlegur sýningameistari) - nýi titillinn, sbr. að ofan.

Sýningastjórn óskar félagsmönnum gleðilegrar hátíðar og þakkar starfsfólki sýninga, sýnendum og öðrum sem að sýningum hafa komið á árinu, kærlega fyrir samstarfið

Sýningaþjálfun

Tilkynning frá sýningastjórn HRFÍ